|
Daar is ongeveer 175 leerders in die laerskool afdelng van Hoërskool Stella.
Die leeratmosfeer in hierdie afdeling dra by tot skitterende jaarlikse
slaagsyfers - 98% vir 2008. Die laerskool word verdienstelik aangevul deur
Trapsuutjies Kleuterskool waarin daar onder ander 'n graad R-klas is wat die
nasionale kurrikulum volg. Daar is 8 prefekte in graad 7. Die huidige
hoofseun is Jay-Jay Storm en die hoofdogter is Annamie Strydom. Ongeveer 80%
van die laerskoolleerders is in die koshuis, Huis Esterelita. Die leerders
se skooldrag is hoofsaaklik grys en blou. Merietekleure verskil effe van
gewone skooldrag. Die laerskoolafdeling bied sewe skoolsportsoorte aan
naamlik: atletiek, krieket, netbal, rugby, swem, tennis en tweekamp.
Buitekurrikulêre bedrywighede wat deur buite-instansies aangebied word,
sluit in: ballet, klopdanse en hip-hopdanse, modelklasse, klavier-, fluit-
en kitaarlesse, karate en perde-uithouritte. Kultuuraktiwiteite soos koor,
operettes en toneelspel word entoesiasties ondersteun. Verskeie sosiale
bedrywighede soos die jaarlikse klasuitstappies, sokkies, speletjies- en
fliekaande sorg vir baie pret.
|
