TOPPRESTASIES

Top Tweedeliga krieketspan in Noordwes Provinsie!

 Die hoërskoolkrieketspan het vir die eerste keer in die skool se bestaan 'n provinsiale Tweedeliga-reekstrofee verower deur Hoërskool Klerksdorp se tweede span oortuigend te klop. Hierdie topprestasie was 'n spanpoging duisend.

Puik rugbyspeler

Rudi Nel het vanjaar die Noordwes Akademiespan verteenwoordig. Verskeie ander spelers het die NW-platteland en NW-Bokkiespanne gehaal.
 

Top Atletiek vir 2009

Top 20 Byeenkoms te Hartswater

Op Saterdag, 14 Februarie 2009, het ons Top 20-span weer aan die jaarlikse Hartswater Top 20-byeenkoms gaan deelneem.
Ons wen die klein skole kompetisie weer loshande vir die 24ste maal.
 In die proses klop ons baie groter skole soos Vryburg, Kalahari, Kathu en Landbou. Aangesien dit ‘n spankompetisie is, is medaljes nie belangrik nie, maar die punte wat elke spanlid verdien. Ons top puntemakers was : Anneke Kamfer met 1745, Rudi Nel met 1495, Marteli Mentz met 1470, Noppie Jacobs met 1460 en Marizaan Bester met 1445 punte.
Anneke Kamfer (regs op foto) is amptelik die vinnigste dogtersatleet wat die Skool opgelewer het. Sy het in haar hoërskoolloopbaan  die 100m-naelloop in 'n handtyd van 11,8 sekondes genael.

Ses provinsiale atlete vir 2009!

Drie laerskoolatlete en drie hoërskoolatele het  in 2009 provinsiale kleure in atletiek verwerf. Hulle is Jean-Marie Niemann vir hoogspring, Danie Maree vir spiesgooi, Francois Crafford vir gewigstoot, Marizaan Bester vir hoogspring, Anneke Kamfer  vir naellope en Noppie Jacobs vir naellope, driesprong en verspring.

Die Skool hoop om in 2010 te verbeter op hierdie grootse poging.
 

TOPPRESTASIES

Derde beste biathle-atleet in die wêreld!

Marteli Mentz verower op 1 November 2008 vir die tweede agtereenvolgende jaar die bronsmedalje tydens die wêreldbiathle-kampioenskapsbyeenkoms in Kaapstad. (In 2007 sy het sy die bronsmedalje in Monaco verower.) Dit is voorwaar 'n topprestasie om die derde beste Biathle-atleet in die wêreld te wees. (Biathle is 'n kombinasie van landloop en swem).

Stella se tweekampatlete het ook fenomenaal presteer tydens die SA-kampioenskap in Paarl in Maart 2009 toe 7 van die 8-provinsiale Stella-atlete meer as 2000 punte in hul twee items behaal het. Marteli Mentz het 'n goue medalje verower.

Puik Dansers!

Hoërskool Stella dansers wat by die plaaslike Annelize Lazenby dansskool dans neem, het uitmuntend presteer.
Vrydag en Saterdag, 24 en 25 Julie 2009
IFAA SA Kampioenskappe te Klerksdorp: Adriaan Lazenby en Hanri Panther het aan die kampioenskappe deelgeneem. In die uitdunrondtes, Vrydag, moes hulle 85% in hul vak behaal om deur te dring na die semi-finale Saterdag. Hulle het deurgedring en hulle moes Saterdag, 90% behaal om deur te dring na die finale wat op Donderdag en Vrydag, 6 en 7 Augustus in Pretoria gehou sal word.
Adriaan se prestasie was soos volg: ballet - 90,33%, moderne dans - 90% en klopdans - 90,67%
Hanri se prestasie was soos volg: Hip Hop - 92,67%

0/13-rugbyspan verower liga
Die 0/13-rugbyspan het die 2009-liga vir kleiner skole in die Noordwes-Provinise saam met laerskool Schweizer-Reyneke verower. In die proses het hull met laerskole soos Christiana afgereken, Die spannetjie het ook aan 'n interprovinsiale bondedag in Kompatiepoort gaan deelneem.
 

TOPPRESTASIES

Matriekklas van 2008 doen dit weer!

Hoërskool Stella se trotse rekord is nog ongeskonde. Die matriekklas van verlede jaar het gesorg dat die skool die veertiende jaar na mekaar ‘n 100% slaagsyfer het. Baie geluk aan die klas en ook aan die onderwysers vir al die harde werk. As die tipe van uitslae nie leerders na ons skool toe trek nie, dan weet ek nie so mooi  nie.
Melanie Vosloo (foto bo) is die toppresteerder vir 2008.
 

0/15 netbalspan skud Potch   
    
In 2009  was dit die o/15’s wat die mense in Potchefstroom  laat kennis neem het van Stella. Hierdie tonele het op 5 Junie tydens die Platinumtoernooi afgespeel.
Ons span klop Koster, Girls High en Rustenburg. In die semi-finaal speel hulle teen Swartruggens en rans hulle behoorlik af. Toe het die spannetjie eers vlam gevat. In die finaal speel hulle teen Potch Gimmies, en leer hulle ‘n behoorlike netbal les. Hulle klop vir Gimmies en word so gekroon as die o/15’s se Noordwes Platinum wenners. Baie geluk aan juf Christa en haar span. Welgedaan!  
Die 0/19-span het slegs in die finaal vasgeval.